Díli, 23/05/2024 – Institute of Business (IOB) realiza serimónia premiasaun bolsu estudu Embaixadór Xina tinan 2024 ba estudante na’in 10 husi IOB. Programa ne’e hanesan rezultadu husi kooperasaun entre IOB ho Embaixa Xina hod kontinua apoiu ION liuliu estudante sira iha área edukasaun.

Iha serimónia ne’e, magnífiku Reitór IOB Dr. Pedro Barreto Ximenes S.T., M.M hateten, serimónia ida-ne’e marka pasu signifikativu ida bainhira fó bolsa estudu sanulu ba ami-nia estudante sira ne’ebé merese atu hala’o sira-nia estudu iha IOB. Apoiu jenerozu ida-ne’e husi Governu Xina nu’udar testemuña ida ba parseria forte entre Xina no Timor-Leste.

Reitór IOB kontente tebes ho apoiu ne’e no husu atu kontinua hasa’e númeru estudante asesu ba bolsu estudu ne’e.

Liuhusi Confucius Class, IOB mós kolabora ho Embaixada Xina hodi organiza eventu sira sosial no kultural sira n’ebé halibur komunidade Timor-Leste no Xina. IOB ho Xina hala’o ona eventu sira hanesan festival kultura Xina, selebrasaun festival lanterna, no sesaun kona-ba atendimentu médiku no kurativu Xina nian ba funsionáriu sira, estudante, no komunidade lokál.

Entertantu programa ne’e rasik atribui kada tinan ba estudante sira ne’ebé mak ho valor diak husi kada departamentu nune’e kontinua sai hanesan motivasaun ida ba estudante sira atu aprende ho didiak no bele asesu ba oportunidade sira ne’ebé husi parte embaxada sei oferese liu husi kooperasaun ne’ebe mak iha ona.