Programa estudu Gestão Informática iha Instituisaun Ensinu Superiór nian ida iha Institute of Business (IOB) ne’ebé mak ho nia programa estudu Lisensiatura (S1). Programa estudu Gestão Informática ho objetivu atu eduka profisionál órgaun iha área Gestão Informática ne’ebé mak iha kompeténsia iha area Teknolojia Informasaun. 

Programa estudu Gestão Informática mak estabelese ona iha IOB hahú tinan 2012 ho nivel estudu licenciatura (S1) ida ne’ebé bazeia ba merkadu serbisu iha Timor-Leste. Programa ne'e atrai estudante sira ne’ebé barak no hetan graduadu ona 961 alumni. Programa ne’e mos hetan ona lisensa husi Ministeru Educação e Cultura no hetan ona avaliasaun husi parte ANAAA (Agência Nacional de Avaliação e Acreditação Académico).

Naran Programa Estudu

Programa ida ne’e hanaran Gestão Informática (GI)

Logo

Sentidu husi simbolu ka sigla IOB Fakuldade ICT e Programa Estudu Gestão Informática nian mak hanesan tuir mai ne’e:

1. Pentagon ka sikun lima ho liña mean ne’ebé hafutar naran IOB reprezenta manorin nain sira (Dosente) pesoal administrativu sira, alumni sira i parte seluk (stakeholder) ne’e iha interese atu kuidadu no defende naran diak almamater ho servi povu, estadu no nasaun Repúblika Demókratika Timor Leste.
2. Kalkulator ne’ebé hatur iha pentagon laran hatudu sentidu profisionalismu ne’ebé iha kapasidade no abilidade atu kalkulu ho lalais, lolos, efisiente no efikazia.
3. Livru ho koor sokolate junta ho liman rua ne’ebé hakerek hela hatudu sentidu katak IOB nudar sentru ba dezenvolvimentu siensia no teknolojia.
4. Fita ho koor azul ne’ebé hafutar hela East Timor hatudu sentidu ne’ebé hakmatek.
5. Koor Kinur ne’ebé nakonu pentagono hatudu sentidu nudar susesu no gloria IOB nian.
6. Koor matak ne’ebé iha Letra programa estudu Gestão Informática hatudu Sentidu nudar uniku Programa estudu ne’ebé iha konesementu, kreatividade no Inovativu.

Lema

Programa estudu ne'e eziste ho nia lema: Knowledge, Creative, Innovative.

• Knowledge: iha ona kapasidade Analizador no Konseitu ba Sistema Informasaun.
• Creative: iha ona Kreatividade hodi kria programasaun komputador bazeadu ba IT Entrepreneurship.
• Innovative: bele halo inovasaun ba sistema komputador tuir era evolusaun Teknolojia Informasaun.

Visaun

Hakarak sai hanesan Programa Estudu Gestão Informática ida bele produz rekursu umanu ne’ebe professional iha konesementu, kreativu no inovativu atu bele kompete iha mundu merkadoria ho presepsaun ne’ebe as bazeadu IT Entrepreneurship.

Misaun

Programa estudu Gestão Informática iha nia misaun ne’ebe maka hanesan tuir mai ne’e:

1. Produz Profissionais Graduadus iha area Gestão Informática ho Kompetensia tuir Desenvolvimentu Teknolojia.
2. Dezelvolve siensia tuir inovasaun teknolojia iha area Gestão Informática.
3. Desenvolvimentu abilidade iha area Sistema informasaun hanesan solusaun ba negosiu iha era informasaun.
4. Hasae abilidade siensia no konesimentu iha area Gestão Informática utilizasaun Teknolojia Informasaun iha area peskiza, no servisu komunitaria.

Objetivu

Objetivu Departamentu Gestão Informática mak hanesan:

1. Produz Espesialista ne’ebe kreativu iha area Gestão Informática ho professionalismu prontu atu utiliza no iha konesimentu abilidade iha area Teknolojia Informasaun.
2. Produzidu especialista iha area Gestão Informática ne’ebe iha baze no abilidade kreativu iha area programasaun komputador nune’e atu bele implementa husi dezenu Sistema.
3. Bele dezenvolve konseitu no analiza Sistema Informasaun.
4. Organiza edukasaun no treinamentu iha area Gestão Informática, atu bele akomoda interese sosiedade nia nesesidade iha desenvolvimentu nasional, prepara no enkoraza ba sosiedade bazeadu konesimentu Teknolojia Informasaun.

Program Learning Outcome (PLO)

Graduadus iha programa estudo Gestão Informática ne’ebe tuir ona processu palestra durante semestre 8, sei sai individu ne’ebe iha konesimentu, kreativu no inovativu profisionalismu iha area servisu hanesan:

1. Konsultor ba konseitu no desenu Sistema Informasaun
2. Programador Sistema Website
3. Senior Programasaun Sistema Baze Dadus
4. Profisionais Multimedia
5. Emprezariu komersiu Elektroniku (E-Business)
6. Akademiku, Paratikante no Istruktur IT

Profesionalidade Progarama Estudu

1. Iha kapacidade analizador no dezeña programasaun hodi kria aplikasaun ne’ebe mak evetivu.
2. Iha Kapasidade ho hanoin kona-ba planu abordajen prosesu ida ho uza komputadór hanesan mediu ba ligasaun base dadus, rekursu umanu no rede servisu. 
3. Kapasidade atu dezenvolve aplikasaun ida ne’ebé adapta ba evolusaun teknolójia atu nune'e bele aplika iha merkadoria.
4. Disiplina sientífika ne'e oferese baze sientífika komprensivu ida ne’ebé fó dalan ba graduandu sira iha kapasidade atu halo adaptasaun ba konseitu no ideia sira tuir era evolusaun teknolojia. 

Targetu Programa Estudu

Programa estudu Gestão Informática mak hanesan:

1. Iha konseitu ne’ebe kreativu no inovativu konseitu kona-ba programasaun no dezenu Sistema Informasaun. 
2. Bele dezeña no dezenvolve programasaun komputer. 
3. Bele halo aplikasaun utiliza linguajen programasaun komputador bazeadu ba IT Entrepreneurship.