Fundasaun Klibur Mata Dalan Ba Kooperativa no Fila Liman

Fundasaun klibur mata dalan ba koperativa no fila liman hari iha tinan 2000 husi inisiativa Sr. Abel da Costa Ximenes ho naran Fundasaun Klibur Mata Dalan ba Koperativa no Fila Liman.

Fundasaun fo interese maka’as no atensaun ba area ekonomia no edukasaun (formal no informal) tamba area rua ne’e hanesan fondasi ba mudansa dezenvolvimentu iha Nasaun Timor Leste ne’ebe foin dezenvolve.

Tan ne’e Klibur nafatin esforsu maka’as ho komitmentu ne’ebe makas hodi hasa’e potensia, kapasidade, no partisipasaun ativu ba dezenvolvimentu Timor Leste.

Iha dezenvolvimentu ba nia programa, Klibur ho nia komitmentu hamutuk ho Nacional Cooperative And Business Association (NCBA) ho Unites States Agency for International Development (USAID), husi organizasaun rua ne’e Klibur hetan supiorta to’o ohin loron.

To’o ohin loron fundasaun nafain no naran FUNDAÇÃO KLIBUR MATA DALAN BA COOPERATIVA NO FILA LIMAN.

VIZAUN

Vizaun husi Fundasaun klibur mata dalan ba koperativa no fila liman mak hasae kualidade rekursu umanu iha Timor Leste atu sai forte, professional no kultural iha aspetu hothotu no ativu dezenvolve vida ekonomia ba sustentabilidade povu nian iha era globalizasaun.

MISAUN

Fundasaun klibur mata dalan ba koperativa no fila liman ho nia misaun atu transfere siensia ba iha sosiedade TimorLeste liu husi edukasaun formal, informal, orientasaun ba koperasaun no fila liman ho esperansa atu fo kontribuisaun pozitivu ba dezenvolvimentu ekonomia povu Timor Leste.