Díli – Institute of Business (IOB) serbisu hamutuk ho embaixadór Xina iha Timor-Leste selebra festival kultura Xina iha Salaun IOB Plaza, iha Tersa-Feira Semana ne’e.

Atu hahú selebrasaun ne’e, Dr. Pedro Ximenes hateten, ezisténsia nasaun ida tanba povu. Tan ne’e, iha nasaun ida la’os deit haree ba governasaun maibe mós ninia povu. Iha povu nia moris eziste aspetu importante ida mak kultura. Ho ida ne’e, liu husi festival kultura, ita bele hametin relasaun entre Timor-Leste-Xina. “Mai ita extende liman hodi simu ita nia maluk sira” Nia hakotu.

Comander-in-chief for mission harmony 2023, General Li Xin-Ke hato’o mós diskursu relasiona ho festival kultura Xina hodi dehan, espera festival ne’e la’o ho susesu no ami kontente imi hadomi kultura Xina. Ró Xina vizita Timor-Leste depois tinan 6 la’os de’it fo konsulta, maibe hanesan programa ida ne’ebe hola parte mós hodi selebra loron kultura Xineza, iha fulan Setembru tinan ne’e.

Iha sorin seluk, Vise Primeiro Ministro, “Asanami” akresenta, relasaun ita ho Xina hanesan maun-alin. Xina rekoñese ita nia ukun-an desde tinan 1975 no sira suporta makaas TL nia independénsia. Xina hanesan ita nia solidariedade antigu no sai ona parte integral ba luta. Ho selebrasaun festival kultura ne’e, sei hametin coesão social no ita nia relasaun ba futuru.

Iha festival ne’e, iha aprezentasaun dansa kultura Xina ho tipu oioin, hananu, pinta, toka, no prepara mós hahán iha ne’ebe hola parte mós iha kultura Xina nian.